Umsækjendur skulu hafa íslenska kennitölu og starfa sem atvinnufólk í sviðslistum. Ef aðeins hluti þátttakenda í verkefni uppfyllir þessa kröfu og verulegur hluti ekki, verður að leggja áherslu á hvernig verkefnið stuðli að eflingu íslensks sviðslistalífs.

Ferðastyrkir eru ætlaðir sjálfstætt starfandi sviðslistafólki og styrkir ekki verkefni sem framleidd eru af opinberum stofnunum eða séreignarstofnunum sem reknar eru með opinberu framlagi.

Styrkir eru veittir til sviðslistafólks á sýningaferðalögum erlendis eða þátttöku í viðburðum erlendis sem miða að því að vekja áhuga, auka sýnileika og eftirspurn sviðslistaverka utan Íslands.

Ferðastyrkir Sviðslistamiðstöðvar Íslands eru veittir þrisvar á ári og opið fyrir umsóknir í janúar, maí og september. Styrkupphæð er 75.000 kr fyrir ferðir innan Evrópu og 100.000 fyrir ferðir utan Evrópu.

Að hámarki eru veittir 8 styrkir fyrir hvert verkefni eða að hámarki 600.000 þúsund krónur.

Fagráð sviðslistamiðstöðvar er skipað fulltrúum frá SAFAS - Samráðsvettvangi fagfélaga í sviðslistum. Umsóknir eru metnar eftir því hvernig þær falla að markmiðum ferðastyrkja um að vekja áhuga, auka sýnileika og eftirspurn sviðslistaverka utan Íslands.
‍
Aðalfulltrúar:
Rebekka Ingimundardóttir
Ólöf Ingólfsdóttir
Ólafur Kjartan Sigurðarson

Varafulltrúar:
Friðþjófur Þorsteinsson
Aðalbjörg Árnadóttir
Þóra Einarsdóttir

Sótt er um í netumsókn.

Boðsbréf frá sýningarstað eða hátíð verður að fylgja umsókn eða önnur gögn sem staðfesta þátttöku sviðslistahóps á hátíð eða öðrum viðburðum sem hafa það að markmiði að fjölga tækifærum og auka sýnileika viðkomandi sviðslistahóps.

Fjárhagsáætlun vegna fyrirhugaðrar ferðar verður að fylgja umsókn, annars er hún ekki tekin til greina. Athugið að ekki er óskað eftir fjárhagsáætlun vegna framleiðslu sýningar.

UMSÓKNARHNAPPUR ER EFST Á SÍÐUNNI
‍

Svör við umsóknum um ferðastyrki berast með tölvupósti í síðasta lagi 4 vikum eftir að umsóknarfrestur rennur út.

Ferðastyrkurinn er greiddur við úthlutun. Umsókn skal berast áður en viðburður fer fram. Sviðslistamiðstöð skuldbindur sig til að fara með öll gögn tengd umsóknum sem fyllsta trúnaðarmál.

Falli ferð niður skal tilkynna það til Sviðslistamiðstöðvar og mun þá styrkurinn falla niður.

Lokaskýrslu skal skila innan 2 mánaða frá lokum ferðalags.
‍
Skýrslan er útfyllt á netinu á Google Forms og má nálgast hér að neðan.

Í lokaskýrslu þarf að koma fram stutt samantekt um ferðina og hvernig hún náði markmiðum ferðastyrkja, upplýsingar um fjölda sýninga og fjölda áhorfenda og mynd(ir) úr sýningarferðalagi til opinberar birtingar.

Við bendum á að ekki er hægt að senda inn nýjar umsóknir ef lokaskýrslu hefur ekki verið skilað fyrir skilafrest.

Lokaskýrsla til útfyllingar